I sitz in meim Nest
In an Åpfelba:m
Die Flügel so dünn
Junger Kopf fulla Tram
De Wuikn droben
Schaun mir beim verwölkn zua
Mechat gern mitfliagn
I bin so verluan

Streck den linken Flügel ausse
Ins Unbekaunnte
I fühl den Draung zum aufsteh'
Drah mein Kopf hoch
Und immer höher
Übers grüne Blätterdoch drüber
Und wia i in de Wuikn låch
Hui i den aundern Flügel nåch

I håb gnua vom
Flattern, Flattern
Kreise ziagn
Sinnlos
Ins Liacht schaun
I wüll fliagn
I wüll fliagn
Gleitn
Die Freiheit gschpian
Wie a Ådler
Schwebn
In Freiheit fliagn
I håb gnua vom flattern
I håb gnua vom flattern

Flattern, flattern

I kletter zum Raund
Ziag mi müsehlig auf
I håbs jetzt glei gschåfft
Und da Mond geht glei auf
Und daunn schau i
Übern Nestraund ausse
A Later aus Liacht
Führt zu de Wuikn auffe

De tiafe Sehnsucht
Nåch der Wölt do draußn
Ziagt mi unaufhoitsaum
Zu de Wuikn auffe
Bin nou amål
Im wårmen Nest geborgen
Moch zitternd die Augen zua
Und denk an den Morgen

Flattern, flattern

Daunn hult mi a Tram
Aus meiner tiafen Ruah
Der Mond streckt die Haund aus
Und zwinkert mir zua
Er hebt mi auf Händ
Gwebt aus sülbane Strohln
Trågt mi immer höher
I kaunn nie mehr foin

I håb gnua vom flattern
Flattern
Kreise ziagn
Sinnlos
Ins Liacht schaun
I wüll fliagn
I wüll fliagn
Gleitn
Die Freiheit gschpian
Wie a ådler
Schwebn
In Freiheit fliagn
I håb gnua vom flattern
I håb gnua vom flattern

Des Nest is verlåssn
Im Åpfelba:m
Es woar nur a Schritt
Und i leb jetzt mein Tra:m
Jeder Flügelschlog
Bringt mi weiter fuat
I schau jetzt von oben
Den Wuikn
Beim Schwebn zua

Flattern

I håb gnua vom flattern
Flattern
Kreise ziagn
Sinnlos
Ins Liacht schaun
I wüll fliagn
I wüll fliagn
Gleitn
Die Freiheit gschpian
Wie a ådler
Schwebn
In Freiheit fliagn

I håb gnua vom flattern
I håb gnua vom flattern
Flattern
Flattern
Flattern

Nie mehr wieder flattern
Flattern
Kreise ziagn
Nie mehr wieder
Sinnlos
Ins Liacht schaun
I kaunn fliagn
Endlos gleitn
Die Freiheit gschpian
Die Freiheit gschpian
Wie a ådler schwebn
Sich verliern
Endlich lebn

Nie mehr wieder flattern
Nua mehr fliagn
Nie mehr flattern
Nur mehr fliagn
I glaub an mi
Nie mehr flattern