I steh do
Im Nieselreg'n
Streck die Händ' aus
Und hoits dem Reg'n entgeg'n
Gschpia im G'sicht
Die Regentropfn
Aun mia owi krall'n
In meine Bodeschlapf'n

Die Lähmung hot mi
Eisern im Griff
Tropfen erkunden
Die Furch'n in mei'm G'sicht
Sie rinnen ins Maul
Vom inneren Schweinehund
Der frisst grinsend
Jeden Widerstaund

I woart
Bis endlich vurbei is
Waunn i nix tua
Sondern nua woart
Is ahns Gwiss
Es hot si wos taun
Wal's jo irgendwaunn
Wieder aunders is

I datat wos tuan
Waunn i mi aufraffen kennt
Warat gaunz vuarn
Waunn i wo mitlaafen tät
I loss mi geh'n
Damit i wo hingaungan bin
Loss olles steh'n
Wal's scho' irgendwer mitnimmt

I wisch durch geistige Ausflüsse
Lies mi durch ewig gestrige Banalitäten
De mir sog'n wos wir glauben müssen
Aus Verschwörungstheorien geborene Realitäten

I kennt jetzt aufsteh'n
Und mir wos aunzieh'n
Kennt mi vun meiner Couch erheb'n
I kennt jetzt hinschaun
Und dabei draufzoin
Oda mi aafoch der Realität ergeb'n

I woart
Bis endlich vurbei is
Schau net mehr hin
Sondern nua nou zua
Schlog die Händ
Fua die Aug'n
Losst's mi in Kraut
I wüll nur nou mei Rua

I datat wos tuan
Waunn i mi aufraffen kennt
Warat gaunz vuarn
Waunn i wo mitlaafen tät
I loss mi geh'n
Damit i wo hingaungan bin
Loss olles steh'n
Wal's scho' irgendwer mitnimmt

Tik tok
So tickt der Puls der Zeit
Insta
Muass jede Story sei
Fia olles gibt's Tools
Man muss nua schaun
Dass der Puls
Net irgendwaunn amoi
Flat lined

Zehn Milliarden Gedaunk'n
In zehn Milliarden Köpf
San unendlich vü' Gedaunkn
Die kaana mehr möcht
Stück für Stück
Is mit freiem Denk'n Schluß
Und olle freß ma
Ohne Widerstand
De Fake News

Influenzt durch swipes und likes
Auf da Jågd noch Trends und Hypes
Kaunn i kaan eigenen Gedaunkn fåssn
Wal den hob i scho
Befua er kumman is
Irgendwo folln g'lossn

I woart
Bist endlich vurbei bist
Schau di net aun
Schau dir net zua
Wos kaunnst du mir scho
Im Leb'n geb'n?
Brauch kan aundern Gedaunk'n
I hob scho' längst gnua

I datat wos tuan
Waunn i mi aufraffen kennt
Warat gaunz vuarn
Waunn i wo mitlaafen tät
I loss mi geh'n
Damit i wo hingaungan bin
Loss olles steh'n
Wal's scho' irgendwer mitnimmt

I datat wos tuan
Waunn i mi aufraffen kennt
Warat gaunz vuarn
Waunn i wo mitlaafen tät
I loss mi geh'n
Damit i wo hingaungan bin
Loss olles steh'n
Wal's scho' irgendwer mitnimmt

Ma ma mei Meinung
I i is influenzt
Ma Ma mei Horizont
Extremely begrenzt
Ma ma mei Meinung
I i Influenzt
Ma Ma mei Horizont
Begrenzt
Ma ma mei Meinung
Sou influenzt
Ma Ma mei Horizont
Extremely begrenzt
Ka ka ka Meinung
I bin influenzt
Ka ka ka Horizont